Keppnispör

Við erum með mikið af keppnispörum í dansskólanum okkar á öllum aldri. Kennsla í hóptímum fyrir keppnispör fer fram 2-4 sinnum í viku. Fjöldi skipta fer eftir aldri og hversu langt hver og einn er kominn. Í gegnum árin hafa danspör DÍK náð frábærum árangri í danskepppnum heima og erlendis.

DÍK hefur unnið liðakeppni á dansmóti UMSK sjö sinnum af átta mögulegum, þar sem samanlögð stig í öllum flokkum voru tekin saman og það félag sem var með flest stig hlaut verðlaunabikar.

Árið 2022 vann DÍK sameiginlega stigakeppni DSÍ af öllum mótum árins með miklum yfirburðum. Við erum rosalega stolt af þessum framúrskarandi árangri okkar félagsmanna, frábærri liðsheild og alltaf gaman á æfingum.